ތޫފާން ދިތުވާގެ ސަބަބުން ސްރީލަންކާގައި ހިނގި ފެންބޮޑުވުމާއި ބިންގަނޑު ކަނޑައިގެން ދިއުމުގެ ހާދިސާތަކުގައި މަރުވި މީހުންގެ އަދަދު 390 އަށް އަރައިފި އެވެ.

ލަންކާގެ ޑިޒާސްޓާ މެނޭޖްމެންޓް ސެންޓަރުން ބުނީ ތޫފާނުގެ ސަބަބުން 390 މީހުން މަރުވުމުގެ އިތުރުން 352 މީހަކު ވަނީ ގެއްލިފަ އެވެ. ބިންގަނޑު ކަނޑައިގެން ދިއުމުގެ ހާދިސާތަކުގެ ސަބަބުން ގާތްގަނޑަކަށް 15،000 އަށް ވުރެ ގިނަ ގެތައް ހަލާކުވެފައިވާއިރު، 57،000 އަށް ވުރެ ގިނަ އާއިލާތައް ވަނީ ވަގުތީ ހިޔާތަކަށް ބަދަލުކޮށްފަ އެވެ.

މީހުން ސަލާމަތް ކުރުމުގެ މަސައްކަތް ހުއްޓުމެއް ނެތި ކުރަމުންދާއިރު، ލަންކާގައި މިހާރު ވަނީ ކުއްލި ނުރައްކަލުގެ ހާލަތު އިއުލާންކޮށްފަ އެވެ. ލަންކާއިން ވަނީ އެގައުމަށް އެހީތެރިކަން ފޯރުކޮށްދިނުމަށް ގައުމުތަކުގެ ކިބައިން އެދިފަ އެވެ.

މައުޟޫޢުތަށް