އެތުލެޓިކޯ މެޑްރިޑް 3-1 އިން ބަލިކުރުމަށްފަހު ސްޕެނިޝް ލީގުގެ އެއްވަނައިގައި ބާސެލޯނާ އިން ހަތަރު ޕޮއިންޓުގެ ލީޑެއް ނަގައިފި އެވެ.

ލީގުގެ އެއްވަނައިގައި ބާސާ އޮތީ 15 މެޗުން 37 ޕޮއިންޓާއެކު އެވެ. ދެވަނައިގައި 14 މެޗުން 33 ޕޮއިންޓާ އެކު އޮތީ ރެއާލް މެޑްރިޑެވެ. ލީގުގައި މިރޭ ރެއާލުން އެތްލެޓިކް ބިލްބާއޯއާ ދެކޮޅަށް ނިކުންނާނެ އެވެ.

ބާސާގެ ދަނޑުގައި ކުޅުނު މި މެޗުގެ ފުރަތަމަ ގޯލު ކާމިޔާބުކޮށް ލީޑު ނެގީ އެތްލެޓިކޯ އިންނެވެ. މެޗުގެ 19 ވަނަ މިނެޓްގައި އެލެކްސް ބައޭނާ މި ގޯލު އެތްލެޓިކޯ އަށް ކާމިޔާބުކޮށްދިނީ ބާސާގެ އޭރިއާ ތެރެއަށް ވަދެ ފޮނުވާލި ހަމަލާއަކުންނެވެ. ނަމަވެސް މެޗުގެ 26 ވަނަ މިނެޓްގައި ރަފީނިއާ ވަނީ ބާސާއަށް ނަތީޖާ އެއްވަރުކޮށްދީފަ އެވެ. ރަފީނިއާ މި ގޯލު ކާމިޔާބުކުރީ އެތްލެޓިކޯގެ ކީޕަރު އޮބްލަކް ކައިރިން ނައްޓާލުމަށްފަހު ބޯޅަ ގޯލަށް ވައްދާލައިގެންނެވެ.

މައުޟޫޢުތަށް