އިނގިރޭސި ޕްރިމިއާ ލީގުގައި ރޭ އާސެނަލުން 2-0 އިން ބްރެންޓްފޯޑް ބަލިކުރިއިރު، ލިވަޕޫލް އާއި ސަންޑަލޭންޑް 1-1 އިން އެއްވަރުވެ، ލީޑްސް ޔުނައިޓެޑް އަތުން 3-1 އިން ޗެލްސީ ބަލިވެއްޖެ އެވެ.

މި މޮޅާއެކު ލީގުގެ އެއްވަނައިގައި އާސެނަލް އޮތީ 14 މެޗުން 33 ޕޮއިންޓާއެކު އެވެ. ދެވަނައިގައި 14 މެޗުން 28 ޕޮއިންޓު ހޯދައިގެން މެންޗެސްޓާ ސިޓީ އޮތްއިރު، ތިންވަނައިގައި 14 މެޗުން 27 ޕޮއިންޓާއެކު އެސްޓަން ވިލާ އަދި ހަތަރުވަނައިގައި ޗެލްސީ އޮތީ 14 މެޗުން 24 ޕޮއިންޓާއެކު އެވެ. ލިވަޕޫލް އޮތީ 14 މެޗުން ލިބުނު 22 ޕޮއިންޓާ އެކު ލީގުގެ އަށްވަނައިގަ އެވެ.

އަމިއްލަ ދަނޑުގައި ކުޅުނު މެޗުގައި އާސެނަލްގެ ފުރަތަމަ ގޯލު މެޗުގެ 11 ވަނަ މިނެޓްގައި ކާމިޔާބުކޮށްދިނީ މިކޭލް މެރީނޯ އެވެ. ލީޑު ފުޅާކުރާނެ އިތުރު ފުރުސަތުތަކެއް އާސެނަލުން ތަނަވަސްކުރިއިރު، މި މެޗުގައި އާސެނަލްގެ ދެވަނަ ގޯލު މެޗުގެ ފަހު ވަގުތުކޮޅުތެރޭ ކާމިޔާބުކޮށްދިނީ ބުކާޔޯ ސަކާ އެވެ.

މައުޟޫޢުތަށް