ގޯތިތެރޭގައި ގަސް ހައްދަން އެހީއެއް
އައްޑޫ ލައިވް
5 ޑިސެމްބަރު 2025 | ހުކުރު | 8:30
ހޯމްގާޑްނިން ނުވަތަ ގޯތިތެރޭ ގަސް ހެއްދުމަކީ ރާއްޖޭގެ ދަނޑުވެރިކަމުގެ ތެރޭގައި ހިމެނޭ މުހިންމު އެއް ބައެވެ. އަދި ޒަމާނުއްސުރެ ދިވެހިންގެ ގިނަ ބަޔަކު ކުރަމުންއަންނަ ފައިދާހުރި މަސައްކަތެކެވެ. މިގޮތުން އާމްދަނީ ހޯދުމަށާއި އާއިލާގެ ބޭނުންތަކަށް ގޯތިތެރޭގައި ތަރުކާރީ އާއި މޭވާގެ ބާވަތްތައް ހައްދަ އެވެ.
މިހާރަކަށް އައިސް އިޖްތިމާޢީ، ސިނާޢީ މަސައްކަތްތަކަށާއި ގެދޮރު ބިނާކުރުންފަދަ އިންސާނީ ބޭނުންތަކަށް ރާއްޖޭގެ ބިމުގެ ބޭނުންކުރާ މިންވަރު ވަރަށް ބޮޑަށް އިތުރުވަމުން ދިއުމާއި ގުޅިގެން ދަނޑުވެރިކަންކުރާނެ ބިން ލިބުމުގެ ދަތިކަން ވެސް މިހާ ރުދަނީ އިތުރުވަމުންނެވެ. އަދި ކަބޯތަކެއްޗާއި އެހެނިހެން ތަކެތީގެ އަގު އެއްދުވަހުން އަނެއްދުވަހަށް ދަނީ ބޮޑުވަމުންނެވެ.
އެހެންކަމުން މިފަދަ ދުވަސްވަރެއްގައި ޚަރަދު ކުޑަކުރެއްވެން އޮތް ހުރިހާ ކަމެއް ކުރުމަކީ ވަރަށް މުހިންމު ކަމެކެވެ. މިގޮތުން ގޯތިތެރޭ އޮންނަ ހުސް ބިންކޮޅުގައި ބޭނުންތެރި، ކާބޯތަކެތިއަޅާ ގަހެއް ނުވަތަ ގަސްތަކެއް ހައްދާލެވިއްޖެ ނަމަ އެއީ އާއިލާގެ ޚަރަދުކުޑަވެ ދުޅަހެޔޮކަން އިތުރު ކުރުމަށް އެޅޭ ވަރަށް ބޭނުންތެރި ފިޔަވަޅެކެވެ