ރައީސްގެ ބައްދަލުވުންތައް ސިޔާސީ ނުކުރޭ
އައްޑޫ ލައިވް
6 ޑިސެމްބަރު 2025 | ހޮނިހިރު | 6:07
މާލޭގެ އެކި އަވަށްތަކުގެ ރައްޔިތުންނާ ބައްދަލުކުރުމަށް ރައީސް ޑރ. މުހައްމަދު މުއިއްޒު ބާއްވާ ބައްދަލުވުންތައް ސިޔާސީ ނުކުރުމަށް ރާއްޖެއިން ޖަޕާނަށް ކަނޑައެޅުއްވި ސަފީރު އަހުމަދު މަހުލޫފް ގޮވާލައިފި އެވެ.
މި ބައްދަލުވުންތަކުގައި ރައްޔިތުން އަންނަނީ ކަންބޮޑުވުން ހުރި ކަންކަން ހާމަކޮށް ތަފާތު އެކި ޝުއޫރުތައް ފާޅުކުރަމުންނެވެ.
އެކްސްގައި ކުރެއްވި ޕޯސްޓެއްގައި މަހުލޫފް ވިދާޅުވީ ރައީސް މުއިއްޒު މާލޭގެ އެކި އަވަށްތަކުގެ ރައްޔިތުންނާއިއެކު ބާއްވަވަމުންގެންދަވާ ބައްދަލުވުންތަކުގައި ރައްޔިތުންގެ ކަންބޮޑުވުންތައް އަޑުއިވޭ ކަމަށާއި އެ ރައްޔިތުން އުޅެމުންދާ ދަތިހާލު އަދި ބޯހިޔާވަހިކަމަށް މުޅި އުމުރު ހުސްވަންދެން ކުރަމުންދާ މަސައްކަތް ދަނީ އަސަރާއިއެކު ސީދާ ރައީސް އާއި ހިއްސާކުރަމުން ކަމަށެވެ.