'ޕަރީ' ގެ ޓްރެއިލާ އިން ވެސް ބިރުގަންނުވައިލާނެ
އައްޑޫ ލައިވް
6 ޑިސެމްބަރު 2025 | ހޮނިހިރު | 11:06
އަންނަ އަހަރު ބެލުންތެރިންނަށް ގެނެސްދޭން ހަމަޖެހިފައިވާ ފުރަތަމަ ދިވެހި ފިލްމު "ޕަރީ: ޗެޕްޓާ 1" ގެ ޓްރެއިލާ ދައްކާލައިފި އެވެ.
މި ފިލްމަކީ މަޝްހޫރު އެކްޓަރު އަލީ ސީޒަން ޑައިރެކްޓްކޮށް، މުހިއްމު ރޯލެއް ވެސް ކުޅެފައިވާ ފިލްމެކެވެ. ސްރީ ލަންކާގައި ދިރިއުޅޭ އާއިލާއަކަށް ކުރިމަތިވާ ބިރުވެރި ކަންތައްތަކެއް ދައްކުވައި ދޭނެ "ޕަރީ" ގެ ވަރަށް ބޮޑު ރޯލަކުން ކުޑަ އަންހެން ކުއްޖަކު ވެސް ފެންނާނެ އެވެ.
މީގެ ކާސްޓްގައި އައިޝްތު ރިޝްމީ އާއި ޖުމައްޔިލް ނިމާލާއި ޝީލާ ނަޖީބްގެ އިތުރުން ލަންކާގެ ފަންނާނުންތަކެއް ވެސް ހިމެނޭނެ އެވެ.