ބޮލިވުޑްގެ ތަރި، އާމިރު ޚާން މިހާރު ލޯބީގެ ގޮތުން ގުޅިގެން އުޅޭ ގޯރީ ސްޕްރަޓާ އެކު އާ ގެއަކަށް ވަރަށް އަވަހަށް ބަދަލުވާން ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ.

މީޑިއާތަކުން ބުނީ އާމިރު ބަދަލުވާން އުޅެނީ އާއިލާއާ އެކު މިހާރު މުމްބާއީގައި ދިރިއުޅެމުން އަންނަ ގެއާ މާ ދުރު ނޫން ހިސާބެއްގައި ހުރި ގެއަކަށް ކަމަށެވެ. އެކަން އާމިރު ވެސް ކަށަވަރުކޮށް ދެމުން ބުނީ އާ ގެއަކަށް ބަދަލު މި ވަނީ އޭނަ ޕްރޮޑިއުސްކޮށް އަދި ރޯލެއް ވެސް ކުޅެ މިދިޔަ ހުކުރު ދުވަހު ރިލީޒްކުރި "ހެޕީ ޕަޓޭލް" އަށް ލިބެމުން އަންނަ ތަރުހީބުގެ އުފަލުގެ ތެރޭގައި ކަމަށެވެ.

އާމިރު ބުނި ގޮތުގައި އޭނަ އާއި ގޯރީ ގުޅުމާ މެދު ވަރަށް ސީރިއަސް އެވެ. އެކަމަކު ރަސްމީކޮށް ކައިވެނި ކުރުމުގެ ޕްލޭނެއް އަދިއެއް ނެތް ކަމަށް ބުންޏެވެ.

މައުޟޫޢުތަށް