ފަސޭހައިން ލިބޭ ކަންކަން ގިނަ ދުވަހަށް ދެމި ނުހުންނާނެ!
އައްޑޫ ލައިވް
24 ޖެނުއަރީ 2026 | ހޮނިހިރު | 6:45
އިނގިރޭސި ރައްޔިތެއް ކަމަށްވާ މައިކަލް ކެރޮލް އަކީ އޭނާގެ އަތުގައި ނަސީބު ހިފުމުގެ ކުރިން ވަރަށް އާދައިގެ ދިރިއުޅުމެއް އުޅެމުން އައި މީހެކެވެ. އޭނާ، އާމްދަނީ ހޯދުމަށް ކުރަމުން އައި މަސައްކަތަކީ ކުނި އުކާލުމުގެ މަސައްކަތެވެ. ނަމަވެސް، ނަސީބު ނަމްބަރަކުން، 2002 ވަނަ އަހަރު ސާދަ މިލިއަނަށް ވުރެ ގިނަ ޑޮލަރު މައިކަލް އަށް ހާސިލުވުމުން އޭނާގެ އާދައިގެ ދިރިއުޅުން އެއްކޮށް ބަދަލުވެގެން ދިޔަ އެވެ.
މައިކަލް އަށް ކުއްލިއަކަށް މި ލިބުނު ފައިސާ ފުންޏާއި އެކު، އާނާގެ ދިރިއުޅުން އެންމެ މަތީ ފަންތިއަށް ބަދަލުކޮށްލި އެވެ. އަދި އެއްވެސް ހިޔާލެއް ފިކުރެއް ނެތި ޕާޓީ ކުރުމާއި މަސްތުވާތަކެތި ބޭނުން ކުރުމާއި އެހެނިހެން ދުނިޔެވީ އުފާ ހޯދަމުގައި ދުވަސްތައް ވޭތި ކުރަން ފެށިއެވެ. އެ
ހެނަސް، އޭނާގެ އެ ދިރިއުޅުން ދެމިގެން ދިޔައީ މަދު ދުވަސްކޮޅަކަށެވެ. އަދި 2012 ވަނަ އަހަރާ ހަމައަށް އައި އިރު އެ މުއްސަނދި ދިރިއުޅުން އޭނާގެ ކިބައިން ބީވެ އަނެއްކާ ވެސް ފަގީރުކަމަށް އިއާދަވި އެވެ. ކައިބޮއި އުޅުމަށް އޭނާ އަށް ޖެހުނީ ސަރުކާރުގެ އެހީއަށް އެދޭށެވެ. އަދި އެންމެ ފަހުން އޭނާއަށް ޖެހުނީ ބިސްކޯދު ފެކްޓަރީއެއްގެ އެންމެ އާދައިގެ ވަޒީފާއެއް އަދާ ކުރާށެވެ.