ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން އެމެރިކާ ވަކިވެފައި ވަނިކޮށް އެ ގައުމުގެ ކެލިފޯނިއާ ސްޓޭޓުން އެ ޖަމިއްޔާއާ ގުޅެން ނިންމައިފި އެވެ.

މިކަން އިއުލާން ކުރައްވައި ކެލިފޯނިއާގެ ގަވަރުނަރު ގެވިން ނިއުސަން ވިދާޅުވީ ޑަބްލިއުއެޗްއޯ އިން އެމެރިކާ ވަކިވުމަކީ "ނުރައްކާތެރި ނިންމުމެއް" ކަމަށެވެ. އަދި އެކަމުން އެމެރިކާ އަށް ލިބޭނެ ފައިދާއެއް ނެތް ކަމަށާއި ކެލިފޯނިއާ އޮންނާނީ ޑަބްލިއުއެޗްއާ އެކު ކަމަށް ގަވަރުނަރު ވިދާޅުވި އެވެ.

އޭނަ ވިދާޅުވީ އެ ސްޓޭޓް ވަނީ އެމެރިކާ ޑަބްލިއުއެޗްއޯ އިން ވަކިވި ފަހުން އެ ޖަމިއްޔާއާ ގުޅޭ އެމެރިކާގެ ފުރަތަމަ ސްޓޭޓަށް ކަމަށެވެ. ގަވަރުނަރު ވިދާޅުވީ ޑަބްލިއުއެޗް އިން ވަކިވެގެން އެމެރިކާ އަށް ކުރިމަތިވާ މައްސަލަތަކާއި ނުރައްކާތަކާ ކުރިމަތިލާން ކެލިފޯނިއާ ސްޓޭޓުން ބޭނުން ނުވާ ކަމަށެވެ.

މައުޟޫޢުތަށް