އާ ޖޭމްސް ބޮންޑަކީ އެލޯޑީ؟
އައްޑޫ ލައިވް
24 ޖެނުއަރީ 2026 | ހޮނިހިރު | 1:40
މަޝްހޫރު ޖޭމްސް ބޮންޑް ފްރެންޗައިޒްގެ 26 ވަނަ ފިލްމުގައި ބޮންޑްގެ ރޯލު ކުޅޭނީ ޒުވާން އެކްޓަރު ޖެކޮބް އެލޯޑީ ކަމަށް ރިޕޯޓްތައް ބުނެފި އެވެ.
ހޮލީވުޑްގެ ޚަބަރުތައް ގެނެސްދޭ މީޑިއާތަކުން އެ ރޯލަށް އޮސްޓްރޭލިއާ އަށް އުފަން 28 އަހަރުގެ އެކްޓަރު ނެގިކަން ގާތްގަނޑަށް ކަށަވަރުވެފައިވާ ކަމަށާއި އާ ފިލްމުގެ ޑައިރެކްޝަން ހަވާލުކޮށްފައިވާ ޑެނިސް ވިލެނޯވްއާ ވެސް އެލޯޑީ ބައްދަލުކޮށްފައިވާ ކަމަށެވެ.
އޭނަ އަށް ބޮންޑްގެ ރޯލު ދީފައިވާކަމުގެ ވާހަކަތައް ދެކެވެމުން އަންނަ އިރު، ބޮންޑްގެ ރޯލަށް ދެން ނަގައިފާނެ ކަމަށް އަޑުއެރި އެކްޓަރުންގެ ތެރޭގައި އާރޮން ޓޭލާ-ޖޯންސަނާއި އެންތަނީ ބޮއެލް އާއި ކެލަމް ޓާނާ އާއި ލިއޯ ސޫޓާ އާއި ހެރިސް ޑިކިންސަނާއި ރެގީ ޖީން ޕޭޖް ހިމެނެ އެވެ.