ސާފް ފުޓްސަލް ޗެމްޕިއަންކަން ރާއްޖެ އަށް
އައްޑޫ ލައިވް
24 ޖެނުއަރީ 2026 | ހޮނިހިރު | 4:26
ސާފް ފުޓްސަލް ޗެމްޕިއަންޝިޕްގައި މިއަދު ކުޅުނު މެޗުން ބޫޓާން އަތުން 3-1 އިން މޮޅުވެ، ރާއްޖޭން މުބާރާތުގެ ޗެމްޕިއަންކަން ހޯދައިފިި އެވެ.
ރާއްޖެއިން މުބާރާތުގެ ޗެމްޕިއަންކަން ހޯދީ ބާކީ އެއް މެޗު އޮއްވައި، މިހާތަނަށް ކުޅުނު ފަސް މެޗުން ވެސް މޮޅުވެގެންނެވެ. މިއީ ސާފް އިން މުޅިން އަލަށް ބޭއްވި ފުޓްސަލް މުބާރާތެކެވެ.
ތައިލެންޑްގެ ނޮންތަބުރީީ އިންޑޯ ސްޓޭޑިއަމްގައި ކުޅުނު މި މެޗުގެ ފުރަތަމަ ގޯލު ކާމިޔާބުކޮށް ލީޑު ނެގީ ބޫޓާނުންނެވެ. އެގޮތުން ބޫޓާނުން އުފެއްދި ކައުންޓަ އެޓޭކެއްގައި މި ގޯލު އެޓީމަށް ކާމިޔާބުކޮށްދިނީ ޖިގްމޭ ޝަލްޓްރިމް އެވެ. ނަމަވެސް ފުރަތަމަ ހާފުގެ ކުޅުން ނިމުމުގެ ކުރިން އަބްދުﷲ ޖުނައިދު ވަނީ ރާއްޖެއަށް ނަތީޖާ އެއްވަރުކޮށްދީފަ އެވެ.