މި އަހަރު އެމެރިކާ އާއި މެކްސިކޯ އަދި ކެނަޑާގައި ކުރިއަށްގެންދަން ނިންމާފައިވާ ފީފާ ވޯލްޑް ކަޕުގައި އިރާން ބައިވެރިވުމަކީ އެގައުމަށް ރައްކާތެރިކަމެއްގެ ގޮތުގައި ނުފެންނަ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެެވެ.

އެމެރިކާ އާއި އިޒްރޭލުން އިސްވެ އިރާނަށް ދެމުންދާ ހަމަލާތަކާ ގުޅިގެން، ވޯލްޑް ކަޕަށް އިރާނުން ނުދާނެ ކަމަށް އެ ގައުމުގެ ކުޅިވަރާ ބެހޭ ވަޒީރު އަހުމަދު ދުންޔަމާ ވަނީ އިއުލާންކޮށްފަ އެވެ. މިކަމާ ގުޅޭގޮތުން ފީފާއިން މިހާތަނަށް ވަކި އެއްޗެއް ބުނެފައެއް ނުވެ އެވެ.

ޓްރަމްޕް، ޓްރުތް ސޯޝަލްގައި އިއްޔެ ކުރެއްވި ޕޯސްޓެއްގައި ވިދާޅުވީ، އިރާންގެ ޓީމަށް ވޯލްޑް ކަޕްގައި ކުޅެން އަންނަން މަރުހަބާ ކިޔާ ކަމަށެވެ. ނަމަވެސް އެމެރިކާއަށް އިރާންގެ ފުޓްބޯޅަ ޓީމު އައުމަކީ އެެ މީހުންގެ އަމިއްލަ ރައްކާތެރިކަމަށް ބަލާއިރު ރަނގަޅު ކަމެއްހެން ހީނުވާ ކަމަށްވެސް ޓްރަމްޕް ވިދާޅުވި އެވެ.

މައުޟޫޢުތަށް