އެމެރިކާ އާއި އިޒްރޭލުން އީރާނާ ދެކޮޅަށް ކުރަމުންދާ ހަނގުރާމައަކީ، އެމެރިކާގެ ރައްޔިތުން ވެސް ރުހޭ ހަނގުރާމައެއް ނޫނެވެ. އީރާނަކީ މިހާތަނަށް އެމެރިކާއަށް އެއްވެސް ނުރައްކަލެއް ކުރިމަތިކުރި ޤައުމެއް ނޫނެވެ. އެހެން ނަމަވެސް އިޒްރޭލުގެ ބޮޑުވަޒީރު ބެންޖަމިން ޝައިޠާންޔާހޫ، އޭނާގެ އަމިއްލަ މަސްލަޙަތު އިސްކޮށް، ޓުރަމްޕު ލައްވާ އެމެރިކާގެ އަސްކަރިއްޔާ މި ހަނގުރާމައިގެ ތެރެއަށް ވައްޓައިލިީއެވެ. އިޒުރޭލުން ދިޔައީ ފާއިތުވި 47 އަހަރުގެ ތެރޭގައި އީރާނާ ދެކޮޅަށް ހަނގުރާމަ ކުރުމަށް އެމެރިކާގެ އެކި ރައީސުންނަށް އާދޭސް ކުރަމުންނެވެ. އެހެންނަމަވެސް، އެމެރިކާގެ ކުރީގެ އެއްވެސް ރައީސަކު އެކަމަކަށް އެއްބަހެއް ނުވިއެވެ.

އެންމެ ފަހުން، އެޕްސްޓައިންގެ ފައިލްތަކުގެ ދަށުވެފައިވާ ޑޮނަލްޑް ޓުރަމްޕު ދެވަނަ ފަހަރަށް ވެރިކަމަށް އައުމާއެކު، ޝައިޠާންޔާހޫގެ އެ ހުވަފެން ޙަޤީޤަތަކަށްވިއެވެ. އަދި އިޒުރޭލުގެ މުޑުދާރު ހަނގުރާމައިގެ ތެރެއަށް އެމެރިކާގެ އަސްކަރިއްޔާ ވެއްދިއެވެ. އީރާނާ ދެކޮޅަށް އެމެރިކާ ލައްވައި ހަނގުރާމަ ކުރުވުމަކީ ޝައިޠާންޔާހޫގެ މުޅި ޢުމުރު ދުވަހު، ދެކެމުން އައި ހުވަފެނެކެވެ.

ކޮންމެއަކަސް މިހާރު ޓުރަމްޕް އެވަނީ އަޑިނޭނގޭ ފުން އަނދަވަޅަކަށް ވެއްޓިފައެވެ. އަދި، އެ އަނދަވަޅުން އޭނާ އަމިއްލައަކަށް އަރައިގަނެވޭކަށް ނެތެވެ. ހަނގުރާމަ ކުރިއަށްދާ ގޮތާއި، އަދި އެމެރިކާއިން އީރާނުގެ އެތައް ހާސް އަމާޒަކަށް ޙަމަލާދީފިކަމަށް ބުނެ، ފޮނިބައިސާ ކެނޑުމަކީ މިވަގުތު މާނައެއް ހުރި ކަމެއް ނޫނެވެ. އެމެރިކާއިން، އީރާނުގެ އިތުރު 100،000 އަމާޒުތަކަށް ޙަމަލާ ދެވިދާނެއެވެ. އެކަމަކު، އެއީ ހަނގުރާމައިގެ މިސްރާބަކަށް ބަދަލެއް އަންނާނެ ކަމެއް ނޫނެވެ.

މައުޟޫޢުތަށް