ދިވެހީންގެ އުފެއްދުންތެރިކަން އިތުރުކޮށް އެ ވިޔަފާރި ފުޅާ ކުރުމުގެ މަގުސަދުގައި ވަޒީރުންގެ މަޖިލީހުން ފާސްކޮށްގެން މިހާރު ކުރިއަށް ގެންދާ ދިވެހި އުފެއްދުންތެރިކަމުގެ މައުރަޒު (މޯލްޑިވްސް އެކްސްޕޯ) ގައި އަވައްޓެރި އިންޑިއާގެ އުފެއްދުންތައް ހުރި، އެ ގައުމުގެ ސްޓޯލްތަކެއް ހުރުމުން ސަރުކާރަށް ފާޑުކިޔުން އަމާޒުވެއްޖެ އެވެ.

އަދަދު ގެ ބައެއް ކިޔުންތެރިން ހިއްސާ ކޮށްފައިވާ ފޮޓޯ ވީޑިއޯ އާއި ސޯޝަލްމީޑިއާގައި ދައުރުވަމުންދާ ފޮޓޯތަކުން ފެންނަ ގޮތުގައި ދިވެހި އުފެއްދުންތެރިކަމުގެ މައުރަޒަށް ސެންޓްރަލް ޕާކުގެ ދެކުނު ފަރާތުން، ވަށްމަގުން ވަންނައިރު، ހުރި ސްޓޯލްތަކުގެ ތެރޭގައި އިންޑިއާގެ ސްޓޯލްތައް ހުރިތަން ފެނެ އެވެ.

އެ ސްޓޯލްތަކުގައި ވިއްކަން ހުރީ އެ ގައުމުގައި ތައްޔާރުކޮށްފައިވާ ގަހަނާ އާއި ސްކާފް ފަދަ ތަކެތީގެ އިތުރުން އިންޑިއާގެ ސަގާފަތާއި އަމިއްލަވަންތަކަން ދައްކުވައިދޭ ކުޅޭ ތަކެއްޗެވެ. އޭގެއިތުރުން ވެސް އެ ގައުމުގެ އުފެއްދުންތެރިކަން ފެންނަ ބައެއް ތަކެތި އެ ސްޓޯލްތަކުގައި ވިއްކަން ބަހައްޓާފައި ހުރިތަން ވީޑިއޯތަކުންނާއި ފޮޓޯތަކުން ފެނެ އެވެ.

މައުޟޫޢުތަށް