ކަރަންޓު ކެނޑުމުން ހިންގާ ޖިނާއީ ތަހުގީގު ކޮޅެއްގައި ޖެއްސުމަށް ޑިމޮކްރެޓްސް އިން ގޮވާލައިފި
އަދަދު
2 ޖޫން 2025 | ހޯމަ | 7:50
ވެރި ރަށް މާލެ އާއި ހުޅުމާލެ އާއި ހުޅުލެއިން އިއްޔެ ކުއްލި ގޮތަކަށް ކަރަންޓު ކެނޑުމުން ހިންގަން ފެށި ޖިނާއީ ތަހުގީގު ފުރިހަމަކޮށް ކޮޅެއްގައި ޖެއްސުމަށް ދަ ޑިމޮކްރެޓްސް އިން ގޮވާލައިފި އެވެ.
ކަރަންޓު ކެނޑުމުން ކަންބޮޑުވުން ފާޅުކޮށް ޑިމޮކްރެޓްސް އިން އިއްޔެ ނެރުނު ބަޔާނެއްގައި ބުނެފައި ވަނީ، ކަރަންޓު މައްސަލައިގައި ޖިނާއީ ތަހުގީގެއް ކުރައްވަން ރައީސް މުހައްމަދު މުއިއްޒު އަންގަވާފައިވާތީ އެ ތަހުގީގު ފުރިހަމަ ކުރުން މުހިންމު ކަމަށެވެ.
"މިކަމާ ގުޅިގެން ފުލުހުން މެދުވެރިކޮށް ޖިނާއީ ތަހުގީގެއްކުރެއްވުމަށް ރައީސުލްޖުމްހޫރިއްޔާ ނިންމަވާފައިވުމާއެކު، އެ ތަހުގީގު ހަގީގީ މާނާގައި ފުރިހަމަގޮތުގައި ކުރައްވައި، ބޮނޑުނަގުލަށްނުވެ ކޮޅަކު ޖެހޭނޭ ގޮތަށް ކުރައްވާނެ ކަމަށް އުއްމީދު ކުރަން،" އެ ބަޔާނުގައި ބުނެފައިވެ އެވެ.