ޖަޕާނު ސަރުކާރުގެ ހިލޭ އެހީގެ ދަށުން ރާއްޖެއަށް 1.3 މިލިއަން ޑޮލަރު ދީފި
އަދަދު
3 ޖޫން 2025 | އަންގާރަ | 7:15
ޖަޕާން ސަރުކާރުގެ ޕްރޮޖެކްޓް ފޯ ހިއުމަން ރިސޯސް ޑިވެލޮޕްމަންޓް ސްކޮލަޝިޕް (ޖޭޑީއެސް)ގެ ދަށުން ރާއްޖެއަށް ހިލޭ އެހީގެ ގޮތުގައި 1.3 މިލިއަން އެމެރިކާ ޑޮލަރު ދިނުމަށް އެއްބަސްވުމެއްގައި މިއަދު ސޮއިކޮށްފި އެވެ.
ފޮރިން މިނިސްޓްރީގައި އޮތް ރަސްމިއްޔާތެއްގައި ރާއްޖޭގެ ފަރާތުން އެއްބަަސްވުމުގައި ސޮއިކުރެއްވީ ސްޓޭޓް މިނިސްޓަރު ޝެރީނާ އަބްދުއްސަމަދު އެވެ. ޖަޕާނުގެ ފަރާތުން ސޮއިކުރެއްވީ އެ ސަރުކާރުން ރާއްޖެއަށް ކަނޑައަޅުއްވާފައި ހުންނަވާ ސަފީރު މިސިޒް އިޝިގާމީ ރުމީކޯ އެވެ.
އެ އެއްބަސްވުމުގެ ދަށުން ޖޭޑީއެސް އިން ރާއްޖެއަށް މި އަހަރު ހަ ސްކޮލަޝިޕް ފުރުސަތު ދިނުމަށް ވަނީ ނިންމާފަ އެވެ.