މަގު ހަދަން އުފެއްދި އާރުޑީސީން މި ވަގުތު އިސްކަން ދެނީ އެ ނޫން ހުރިހާ މަސައްކަތަކަށް
އަދަދު
10 ޖޫން 2025 | އަންގާރަ | 10:56
މަގުތައް ތަރައްގީކުރުމުގެ ހާއްސަކޮށްގެން އުފެއްދި ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން މި ވަގުތު އެންމެ އިސްކަމެއް ދީގެން ކުރަނީ އެ ކުންފުންޏާ ހަވާލުކޮށްފައިވާ އެހެނިހެން މަސައްކަތްތައް ކަމަށް އެ ކުންފުނީގެ އެމްޑީ ބްރިގޭޑިއާ ޖެނެރަލް ރިޓަޔާޑް އަލީ ޒުހައިރު ވިދާޅުވެއްޖެ އެވެ.
ޕީއެސްއެމްއަށް ދެއްވި އިންޓަވިއުއެއްގައި ޒުހައިރު ވިދާޅުވީ އާރްޑީސީން އެންމެ އިސްކަމެއް ދީގެން ކުރަމުން ދަނީ އެ ކުންފުންޏާ ހަވާލުކޮށްފައިވާ ޕޮލިސް ސްޓޭޝަންތައް އިމާރާތްކުރުމާއި ކުނި ކޮށިތައް އެޅުމުގެ މަސައްކަތް ކަމަށެވެ. އަދި މި އަހަރުގެ ތެރެއަށް އެ މަޝްރޫއުތައް ނިންމާލަން މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.
"ރައީސުލްޖުމްހޫރިއްޔާގެ އިސްނެންގެވުމުގެ ދަށުން ކޮންމެހެން މި އަހަރު ނިންމަން ޖެހޭ ބައެއް ޕްރޮޖެކްޓްސްތައް އެބަހުރި. އޭގެ ތެރޭގައި އެންމެ މުހިންމު އެއް ކަމަކީ ޕޮލިސް ސްޓޭޝަންތައް އެޅުމާއި އަދި އޭގެ އިތުރަށް އައިލެންޑް ވޭސްޓްގެ ކަންތައްތައް ކުރުން އެންމެ ބޮޑަށް އިސްކަން ދީގެ ކުރިއަށްދަނީ،" އޭނާ ވިދާޅުވި އެވެ.