ސުޕްރީމް ކޯޓުގެ ފަނޑިޔާރުން ހަމަވެއްޖެ، ގާނޫނުއަސާސީ ބަދަލުކުރި މައްސަލަ އަދިވެސް ތާވަލު ނުކުރޭ!
އަދަދު
17 ޖޫން 2025 | އަންގާރަ | 11:52
މަޖިލިސް މެންބަރުންގެ މެންބަރުކަން ގެއްލުވައިލުމުގެ ބާރު ސިޔާސީ ޕާޓީތަކަށް ލިބޭގޮތަށް ގާނޫނުއަސާސީ ބަދަލުކުރި މައްސަލަ ސުޕްރީމް ކޯޓުގައި ހުއްޓިފައި އޮންނަތާ 110 ދުވަސް ވެއްޖެ އެވެ.
މަޖިލިސް މެންބަރުންގެ މެންބަރުކަން ގެއްލުވައިލުމުގެ ބާރު ސިޔާސީ ޕާޓީތަކަށް ލިބޭގޮތަށް ގާނޫނުއަސާސީ ބަދަލުކުރި މައްސަލައިގެ އަޑުއެހުމެއް އެންމެފަހުން ސުޕްރީމް ކޯޓުގައި ތާވަލުކުރީ ފެބްރުއަރީ 27، ގަ އެވެ. ސުޕްރީމް ކޯޓުގެ އޭރުގެ ފަނޑިޔާރުންގެ ގޮތުގައި ތިއްބެވި ހުސްނުއްސުއޫދު އާއި މަހާޒް އަލީ ޒާހިރު އަދި އަޒްމިރަލްދާ ޒާހިރު ޖޭއެސްސީން ސަސްޕެންޑުކުރީ އެ އަޑުއެހުން ފެށުމަށް ކުޑަތަންވެފައި ވަނިކޮށެވެ.
ގާނޫނުއަސާސީ ބަދަލުކުރި ކުރުން ގާނޫނުއަސާސީއާ ހިލާފު ކަމަށް ބުނެ އެ މައްސަލަ ސުޕްރީމް ކޯޓަށް ހުށަހެޅީ ކެންދޫ ދާއިރާގެ ކުރީގެ މެންބަރު، އަލީ ހުސެއިން އެވެ.