ޖެމްކިއު ނުވަތަ ޖީއެމްސީއީ އިންވެސްޓްމަންޓް ސްކީމަށް އެތައް ސަތޭކަ ބަޔަކު ވައްދައި އެ ސްކީމުގެ ޓީމު ލީޑަރެއްގެ ދަރަޖައިގައި ސަރުކާރު ހިންގާ ޕީއެންސީއަށް ނިސްބަތްވާ ރައްޔިތުންގެ މަޖިލީހުގެ މެންބަރަކު ހުރިކަން އެނގިއްޖެ އެވެ.

ޖެމްކިއު ސްކީމަކީ ރަޖިސްޓްރީ ނުކޮށް މަކަރާއި އޮޅުވައިލުން އޮތް ސްކީމަކަށް ވާތީ، އެ ސްކީމް ހިންގައި ޕްރޮމޯޓްކޮށް އަދި އޭގައި ބައިވެރިވުމަށް މީހުން ހޯދުމުގައި ޝާމިލުވާ ފަރާތްތަކާމެދު ގާނޫނީ ފިޔަވަޅު އަޅާނެ ކަމަށް ކެޕިޓަލް މާކެޓް ޑިވެލޮޕްމަންްޓު އޮތޯރިޓީ އާއި މޯލްޑިވްސް ޕޮލިސް ސާވިސްއިން ބުނެފައިވެ އެވެ.

ޓީމު ލީޑަރެއްގެ ގޮތުގައި އެ ސްކީމު ފުޅާކުރުމަށް މަސައްކަތްކުރާ މަޖިލީހުގެ މެންބަރަކީ ކާކުކަން ޕީއެންސީގެ ލީޑަޝިޕަށް އަދި ފުލުހުންނަށް ވެސް އެނގޭކަން އަދަދު ނޫހަށް މައުލޫމާތު ދިން މަސްދަރަކުން ބުންޏެވެ.

މައުޟޫޢުތަށް