ހާއްސަ އެހީއަށް ބޭނުންވާ މީހުންގެ މަރުކަޒަށް ވަންނަން މެންބަރު ކުޑޫއަށް ފުރުސަތު ނުދިން މައްސަލަ ބަލައިގެންފި
އަދަދު
18 ޖޫން 2025 | ބުދަ | 10:12
ކ. ގުރައިދޫގައި ހުންނަ ހާއްސަ އެހީއަށް ބޭނުންވާ މީހުންގެ މަރުކަޒަށް ޒިޔާރަތް ކުރުމުގެ ފުރުސަތު ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ އެމްޑީޕީ މެންބަރު މުހައްމަދު އިބްރާހިމް (ކުޑޫ) އަށް ހެލްތު މިނިސްޓްރީން ފަހިކޮށްނުދިން މައްސަލަ އިމްތިޔާޒްގެ މައްސަލައެއް ގޮތުގައި މަޖިލީހަށް ހުށަހެޅުމުން، އެ މައްސަލަ މިއަދު ބަލައިގެންފި އެވެ.
އެ މައްސަލަ މަޖިލީހަށް ބަލައިގަތީ ސަރުކާރު ހިންގާ ޕީއެންސީ އާއި އެމްޑީޕީގެ 55 މެންބަރުންގެ ވޯޓުންނެވެ.
ގުރައިދޫގައި ހުންނަ މަރުކަޒު ބަލަހައްޓަނީ ހެލްތު މިނިސްޓްރީންނެވެ. އެ މަރުކަޒަށް ވަދެވޭނެ ގޮތް ހަދައިދިނުމަށް އެދި ހެލްތު މިނިސްޓަރު އަބްދުالله ނާޒިމްއަށް ރައްޔިތުންގެ މަޖިލީހުގެ ލެޓާހެޑުގައި ކުޑޫ ސިޓީއެއް ފޮނުވީ އެޕްރީލް 19، ގަ އެވެ.