އިޒްރޭލު/އިރާން ހަނގުރާމަ: ހަމަލާ ބަދަލު ކުރުން ހުއްޓާލުމުގެ އެއްބަސްވުން ރޫޅާލައިފި، ޓްރަމްޕުގެ ކޯފާ އިޒްރޭލަށް
އަދަދު
24 ޖޫން 2025 | އަންގާރަ | 4:04
އިޒްރޭލާއި އިރާންއާ ދެމެދު ކުރަމުންދާ ހަނގުރާމަ ހުއްޓާލުމަށް އެމެރިކާ އިސްނަގައިގެން މިއަދު ވި އެއްބަސްވުމާ ދެ ގައުމުން ވެސް ހިލާފުވެއްޖެ އެވެ.
ހަނގުރާމަ ފެށުނީ ޖޫން 13، ގައި އިޒްރޭލުން އިރާނުގެ އަސްކަރީ މަރުކަޒުތަކަކަށް ހަމަލާ ދިނުމުންނެވެ. އޭގެ ފަހުން އެމެރިކާއިން ވެސް އިރާނަށް ހަމަލާ ދިނެވެ. އޭގެ ބަދަލުގައި އިރާނުން އަންނަނީ އިޒްރޭލަށް ހަމަލާ ދެމުންނެވެ. އަދި ރޭގެ ވަގުތެއްގައި ގަތަރުގައި ގާއިމްކޮށްފައި ހުންނަ އެމެރިކާގެ އަސްކަރީ މަރުކަޒަކަށް ވެސް އިރާނުން ހަމަލާ ދިނެވެ.
ހަނގުރާމަ ހުއްޓާލަން ދެ ގައުމުން އެއްބަސްވީ އެމެރިކާ އިސްވެ ކުރި މަޝްވަރާތަކަކަށްފަހެވެ. އޭގެ ފަހުން އިޒްރޭލުން ވަނީ އިރާނަށް ވަރަށް ބޮޑެތި ހަމަލާތަކެއް ދީފަ އެވެ. އީރާނުން ވެސް ރައްދު ހަމަލާތަކެއް ދިން ކަމަށްވެ އެވެ. އެކަމަކު އެ ގައުމުން އެކަން ދޮގު ކުރެ އެވެ.