"ބޮޑެތި ދަތިތަކެއް ހުރުމުން" އާރުޑީސީއަށް 13 މިލިއަން ރުފިޔާ ދެއްކޭނެ ގޮތެއް ނެތް
އަދަދު
25 ޖޫން 2025 | ބުދަ | 11:13
ސަރުކާރު ކުންފުނި، ރޯޑު ޑިވެލޮޕްމަންޓް ކޯޕަރޭޝަން (އާރުޑީސީ) އިން ހުކުމަކާ އެއް ގޮތަށް ފައިސާ ނުދައްކައިގެން ސިވިލް ކޯޓަށް މައްސަލަ ހުށަހެޅުމުން، އެ ކުންފުންޏާ ދެކޮޅަށް މައްސަލަ ތަންފީޒުކުރަން "ބޮޑެތި ދަތިތަކެއް ހުރުމުން،" އެ ފައިސާ ދެއްކޭނެ ގޮތެއް ނެތް ކަން ހާމަވެއްޖެ އެވެ.
އާރުޑީސީއާ ދެކޮޅަށް މި މައްސަލަ ކޯޓަށް ހުށަހެޅީ އަމިއްލަ ކުންފުންޏަކުންނެވެ. އެ މައްސަލަ ހުށަހެޅީ މިދިޔަ އަހަރުގެ ސެޕްޓެމްބަރު 26، ގައި އިއްވި ހުކުމަކާ އެއްގޮތަށް އާރުޑީސީން ފައިސާ ނުދައްކައިގެންނެވެ.
ހުކުމުގައި އޮތީ ހުކުމް ކުރި ތާރީހުން ފެށިގެން ދެ މަސް ދުވަހުގެ ތެރޭގައި އެ ކުންފުންޏަށް 16 މިލިއަން ރުފިޔާ ދެއްކުމަށެވެ. އެކުންފުނިން ކޯޓަށް މައްސަލަ ހުށަހެޅީ މި ހުކުމުގެ ދަށުން ދައްކަން ޖެހޭ އެއްވެސް ފައިސާއެއް އާރުޑީސީން ނުދެއްކުމުންނެވެ.