ފައިނު އެކްސިޑެންޓް: ދެ ކުޑަކުދިންނާއި ޓީޗަރަކު މާލެ ގެނެސް ވެންޓިލޭޓަރުގައި ފަރުވާދެނީ
އަދަދު
28 ޖޫން 2025 | ހޮނިހިރު | 9:54
ރ. ފައިނުގައި ލައިސަންސް ނެތް ކުޑަކުއްޖަކު ދުއްވި ސައިކަލަކުން ދެ މީހެއްގެ ގައިގައި ޖެހި ހިނގި ނުރައްކާތެރި އެކްސިޑެންޓެއްގައި އަނިޔާވި ތިން މީހަކަށް އައިޖީއެމްއެޗްގެ އައިސީޔޫގައި ފަރުވާދޭން ފަށައިފި އެވެ.
އެ އެކްސިޑެންޓުގައި ހިމެނޭ ސައިކަލު ދުއްވީ ލައިސަންސް ނެތް 16 އަހަރުގެ ކުޑަކުއްޖެކެވެ. އޭނާ ދުއްވި ސައިކަލު ފަހަތުގައި ވެސް އިނީ 14 އަހަރުގެ ކުއްޖެކެވެ. ސައިކަލު ގޮސް ޖެހުނީ ފައިނު ސްކޫލުގެ ޕްރިންސިޕަލް އަދި ޓީޗަރެއްގެ ގައިގަ އެވެ.
އެކްސިޑެންޓުގައި ހިމެނޭ މީހުންގެ ތެރެއިން ވެންޓިލޭޓަރުގައި ފަރުވާ ދެނީ ޕްރިންސިޕަލް ނޫން ދެން އެހެން މީހުންނަށެވެ. ޕްރިންސިޕަލްއަށް މާ ބޮޑެތި އަނިޔާތަކެއް ނުވާ ކަމަށް މި ނޫހަށް އެނގިފައިވެ އެވެ.