ފަނޑިޔާރުންގެ މިނިވަންކަމާ ބެހޭ މަންދޫބު ރާއްޖެއިން އދ. އަށް ކަނޑައަޅާފައި ހުންނަ ސަފީރާ ބައްދަލުކޮށްފި
އަދަދު
28 ޖޫން 2025 | ހޮނިހިރު | 1:10
ރާއްޖެއިން އދ. އަށް ކަނޑައަޅާފައި ހުންނަ ސަފީރު ޑރ. ސަލްމާ ރަޝީދުގެ އަރިހައަށް، ފަނޑިޔާރުންގެ މިނިވަންކަމާ ގުޅޭ ކަންކަން ބެލުމަށް އދ. އިން ކަނޑައަޅާފައި ހުންނަ ހާއްސަ މަންދޫބު އިއްޔެ ޒިޔާރަތްކޮށްފި އެވެ.
ރާއްޖެއިން ޖެނީވާގައި ގާއިމްކޮށްފައި ހުންނަ އޮފީހަށް އދ. ގެ ހާއްސަ ރެޕަޓޯ މާގަރެޓް ސެޓާތުވެއިޓް ޒިޔާރަތްކޮށްފައި މި ވަނީ، ސުޕްރީމް ކޯޓުގެ ތިން ފަނޑިޔާރެއްގެ މައްސަލަ ބަލައި، ގާނޫނާ ހިލާފަށް ދެ ފަނޑިޔާރަކު ވަކިކޮށްފައިވާތީ އެކަމާ ކަންބޮޑުވުން ފާޅު ކުރުމަށްފަހެވެ.
ގާނޫނާ ހިލާފު ތަހުގީގެއް ހިންގުމަށްފަހު އަދި ޖަވާބުދާރީވުމުގެ ފުރުސަތެއް ވެސް ނުދީ މެއި 14، 2025، ގައި ސުޕްރީމް ކޯޓުން ވަކި ކުރީ ފަނޑިޔާރު މަހާޒް އަލީ ޒާހިރާއި އަޒްމިރާލްދާ ޒާހިރެވެ. ފަނޑިޔާރު ހުސްނުއްސުއޫދުގެ މައްސަލަ ބަލަމުންދަނިކޮށް އޭނާ އިސްތިއުފާ ދެއްވީ އެވެ.