ޑޮލަރުގެ ތާށިކަން އިންތިހާއަށް ބޮޑުވެފައި ވަނިކޮށް، ބޭންކް އޮފް މޯލްޑިވްސް (ބީއެމްއެލް) ގެ ރުފިޔާ ޑެބިޓު ކާޑުތަކުން ކުރާ ބޭރު މުއާމަލާތްތަކުގެ ލިމިޓު މިއަދުން ފެށިގެން 500 ޑޮލަރަށް ބޮޑުކުރަން އިއްޔެ ނިންމި އެވެ.

ދިވެހީންގެ ބޭންކުގެ ގޮތުގައި އިސްތިހާރުކުރާ ބީއެމްއެލްއިން ގެނައި ނަމަވެސް، ދިވެހިންގެ ތެރޭގައި ވިޔަފާރިކުރަން މަގުބޫލު ޓީމޫ އަދި ޝީން ފަދަ ވެބްސައިޓުތަކަށް ފައިސާ ދައްކާ ކޮންމެ ފަހަރަކު 30 ޕަސެންޓުގެ ބޭންކަށް ނެގުމަށް ވެސް ނިންމި އެވެ. އެއީ ކޮންމެ 100 ޑޮލަރުގެ ވިޔަފާރިއަކަށް 30 ޑޮލަރެވެ.

ރުފިޔާ ޑެބިޓު ކާޑުގެ ކުރީގެ ލިމިޓަކީ 250 ޑޮލަރެވެ. ރޭ 12:00 ގެ ފަހުން ފެށިގެން ޓީމޫ، ޝީން ފަދަ ވެބްސައިޓުތަކުން 250 ޑޮލަރުގެ މުދާ ގަންނަ ނަމަ، އިތުރަށް ބޭންކަށް 75 ޑޮލަރަށްވާ ދިވެހި ރުފިޔާ ކަނޑާނެ އެވެ. ކުރިން އެއްވެސް ފީއެއް ނުނަގަ އެވެ.

މައުޟޫޢުތަށް