ބޮޑު ކަންނެލި މަސްވެރިން ބާނާ މަސް ނުކިރޭތީ މަޖިލީހަށް ކުއްލި މައްސަލައެއް
އަދަދު
2 ޖުލައި 2025 | ބުދަ | 10:20
ބޮޑު ކަންނެލި މަސްވެރިން ބާނާ މަސް ކިރޭނެ ގޮތެއް ނެތް ކަމަށާއި ކިރޭނެ ގޮތެއް ނެތި މިހާރު ވެސް 120 ޓަނުގެ މަސް ދޯނިތަކުގައި އެބަހުރި ކަމަށް ބުނެ އިދިކޮޅު އެމްޑީޕީއަށް ނިސްބަތްވާ ވައިކަރަދޫ ދާއިރާގެ މެންބަރު ހުސެއިން ޒިޔާދު ރައްޔިތުންގެ މަޖިލީހަށް ކުއްލި މައްސަލައެއް ހުށަހަޅުއްވައިފި އެވެ.
މިއަދުގެ މަޖިލީހުގެ ޖަލްސާއަށް ހުށަހެޅުއްވި ކުއްލި މައްސަލާގައި ޒިޔާދު ވިދާޅުވެފައިވަނީ ކަންނެލި މަސްވެރިންނަށް ރައީސް ޑރ. މުހައްމަދު މުއިއްޒު ވެވަޑައިގެންނެވި ރިޔާސީ ވައުދުތަކާ ސަރުކާރުން ހިލާފުވަމުންދާ ކަމަށެވެ.
އެ މައްސަލަ މަޖިލީހަށް ބަލައިގަނެ މިހާރު ދަނީ ބަހުސް ކުރަމުންނެވެ. މައްސަލަ ބަލައިގަންނަން ނެގި ވޯޓުގައި ބައިވެރިވި 40 މެންބަރުން ވޯޓު ދެއްވީ ޒިޔާދު ހުށަހެޅުއްވި މައްސަލަ ބަލައިގަތުމަށެވެ.