ޝަރީއަތް ނިމެންދެން ބަންދުކުރި ކޭޕާކު މަމްދޫހު ޝަރުތުތަކަކާއެކު ކޯޓުން ދޫކޮށްލައިފި
އަދަދު
3 ޖުލައި 2025 | ބުރާސްފަތި | 3:20
ހުޅުމާލޭގައި ތަރައްގީކުރަމުން އަންނަ ކޭޕާކު އެޕާޓުމަންޓުތައް ވިއްކުމުގައި އެތައް ބަޔަކަށް މަކަރާއި ހީލަތް ހަދާފައިވާ މައްސަލައިގައި ދައުވާ އުފުލާފައިވާ ހަސަން މަމްދޫހު (މަންޑޭ) ޝަރީއަތް ނިމެންދެން ބަންދުކުރަން ނިންމި ނިންމުން ބާތިލުކޮށް، ޝަރީއަތަށް އެއްބާރުލުން ދިނުމަށް ޝަރުތުކޮށް ދޫކޮށްލައިފި އެވެ.
ޖޫން 23، ގައި މަންޑޭ ޝަރީއަތް ނިމެންދެން ބަންދުކުރަން ނިންމީ އެއްވަސް މަގުބޫލު ސަބަބެއް ނެތި ކޯޓުގެ އަަޑުއެހުންތަކަށް ހާޒިރުނުވާތީ، ގިނަ އަޑުއެހުންތަކެއް ކެންސަލް ކުރަން ޖެހުމުންނެވެ.
މިއަދު ބޭއްވި ޝަރީއަތުގެ އަޑުއެހުމުގައި އޭނާ ދޫކޮށްލަން ނިންމީ އެކަން ތަކުރާރު ނުކުރުމަށާއި ޝަރީއަތަށް އެއްބާރުލުން ދިނުމަށް ޝަރުތުކުރުމަށްފަހު އެވެ. އެކަން ތަކުރާރުކޮށްފި ނަމަ އަލުން ބަންދުކުރާނެ ކަމުގެ އިންޒާރު ވެސް ކޯޓުން ދިނެވެ.