ހެކްސްޓާ ގްލޯބަލްގެ ހަބަރެއް ނުވެގެން ކައުންސިލުތައް އިމާރާތްކުރުމުގެ އެއްބަސްވުން ބާތިލުކޮށްފި
އަދަދު
6 ޖުލައި 2025 | އާދިއްތަ | 11:34
މެލޭޝިއާގެ ހެކްސްޓާ ގްލޯބަލްއިން އެ ކުންފުނީގެ ހަރަދުގައި އަޅާފައި ފަހުން ސަރުކާރުން ފައިސާ ދައްކާ ގޮތަށް ހަވާލުކުރި 55 ރަށެއްގެ ކައުންސިލު އިދާރާ އެޅުމުގެ މަޝްރޫއުގެ އެއްބަސްވުމުގައި ސޮއިކުރި ފަހުން އެ ކުންފުނީގެ އެއްވެސް ހަބަރެއް ނުވެގެން އެއްބަސްވުން ބާތިލުކޮށްފި އެވެ.
މިކަމުގެ މައުލޫމާތު އެނގޭ މަސްދަރަކުން ނަން ނުޖަހާ ގޮތަށް އަދަދު އާ ވާހަކަ ދައްކަމުން ބުނީ، އެއްބަސްވުން ބާތިލުކުރަން ޖެހުނީ މަޝްރޫއުގެ މަސައްކަތް ކުރަން ސޮއިކުރި ފަހުން އެ ހެކްސްޓާ އިން އެއްވެސް މުއާމަލާތެއް ނުކުރާތީ ކަމަށެވެ.
ހެކްސްޓާގެ އެއްބަސްވުން ބާތިލުކުރުމާ ގުޅޭ މައުލޫމާތު އިތުރަށް ސާފުކުރަން ލޯކަލް ގަވަމަންޓު މިނިސްޓަރު އާދަމް ޝަރީފަށް ގުޅިއިރު، އޭނާ ފޯނަށް ޖަވާބު ނުދެއްވާތީ އިތުރު މައުލޫމާތެއް ނުލިބެ އެވެ.