މިލަންދޫ ފުލުހުންގެ ކޮއްތަށް ދޭ ފައިސާ "ޑީލެއް" ހަދައިގެން އަމިއްލަ އެކައުންޓުތަކަށް ޖަމާކުރި މައްސަލައެއް ބަލަނީ
އަދަދު
8 ޖުލައި 2025 | އަންގާރަ | 9:54
ށ. މިލަންދޫ ފުލުސް އޮފީހުގައި ވަޒީފާ އަދާކުރާ ފުލުހުންތަކެއްގެ އަމިއްލަ އެކައުންޓުތަކަށް ގިނަ އަދަދެއްގެ ފައިސާ ޖަމާކުރި މައްސަލައެއް ފުލުހުންގެ ޕްރޮފެޝަނަލް ސްޓެންޑާޑްސް ކޮމާންޑުން ބަލަމުން އަންނަ ކަމަށް ފުލުހުން ބުނެފި އެވެ.
ފުލުހުންގެ ރަސްމީ މީޑިއާ ގްރޫޕުގައި މިކަމުގެ މައުލޫމާތުތައް ހިއްސާކުރީ، މިފަދަ މައްސަލައެއް އުޅޭ ކަމަށް ސޯޝަލް މީޑީއާގައި ދައުރުވަމުންދާ ވާހަކަތަކާ ގުޅިގެން ނޫސްވެރިޔަކު ސުވާލުކުރުމުންނެވެ.
ސޯޝަލް މީޑިއާގައި ދައުރުވަމުން އަންނަ ޕޯސްޓުތަކުގައި މި ފުލުހުންނަށް ތުހުމަތުކޮށްފައި ވަނީ ފުލުހުންގެ ކޮއްތު ފައިސާ އާއި އަމިއްލަ ސައިކަލުތަކަށް ޕެޓްރޯލް އެޅުމުގެ ބޭނުމުގައި އަމިއްލަ އެކައުންޓުތަކަށް ގިނަ އަދަދެއްގެ ފައިސާ ޖަމާކޮށްފަ އެވެ.