17 މިލިއަން ރުފިޔާއަށް އެޅޭ އިމާރާތެއް ގައިދީން ބޭނުންކޮށްގެން ތިން މިލިއަނަށް އަޅަނީ
އަދަދު
9 ޖުލައި 2025 | ބުދަ | 1:57
ބާޒާރުން ލިބެން ހުރި އަގުގައި އަޅާ ނަމަ 17 މިލިއަން ރުފިޔާ ހަރަދުވާ އިމާރާތެއް، ކަރެކްޝަންސްގެ ބެލުމުގެ ދަށުގައި ތިބި ގައިދީން ބޭނުންކޮށްގެން އެއަށް ވުރެ ފަސް ގުނަ ހެޔޮ އަގުގައި އިމާރާތްކުރަމުން އަންނަ ކަމަށް އެ ހިދުމަތުން ބުނެފި އެވެ.
ގައިދީން ބޭނުންކޮށްގެން ކަރެކްޝަނުން ހުޅުމާލޭ ޖަލުގައި އިމާރާތްކުރަމުން އަންނަނީ ތިން ފަންގިފިލާގެ އިމާރާތަކެވެ. މި މަސައްކަތް ގައިދީން ބޭނުންކޮށްގެން ކުރަމުން އަންނަނީ، ކަރެކްޝަންސް މުވައްޒަފުންގެ ކޯޕަރޭޓިވް ސޮސައިޓީ، ޕްރިސްކޯއާ ހަވާލުކޮށްގެންނެވެ.
ރައްޔިތުންގެ މަޖިލީހުގެ މާލިއްޔަތު ކޮމިޓީގައި އިއްޔެ ބޭއްވި ބައްދަލުވުމެއްގައި މި މަސައްކަތުގެ މައުލޫމާތު ދެމުން ޕްރިސްކޯގެ ވެރިއަކު ބުނީ، އޭނާގެ ހިސާބުތަކުން ދައްކާ ގޮތުގައި ގައިދީން ބޭނުންކޮށްގެން މި މަސައްކަތް ކުރުމުން، މުޅި މަޝްރޫއަށް ގިނަ ވެގެން ވެސް ތިން މިލިއަން ރުފިޔާ އެވެ.