ސަރުކާރުގެ ޕްރޮޖެކްޓުތައް އާރުސީސީ އިން ހޯދަނީ އެއްވެސް ނުފޫޒެއް ފޯރުވައިގެން ނޫން ކަމަށާއި އެއީ ކުންފުނީގެ ގާބިލުކަމަށް ބަލާފައި އޮންނަ އުސޫލުގެ ތެރެއިން ހޯދާ ޕްރޮޖެކްޓުތައް ކަމަށް އެ ކުންފުނީގެ ޗެއާމަން، މާފަންނު އުތުރު ދާއިރާގެ މެންބަރު މުހައްމަދު ނާޒިމް ވިދާޅުވެއްޖެ އެވެ.

ނާޒިމް މިހެން ވިދާޅުވީ، މި ފަހުން އާރުސީސީއާ ގިނަ ޕްރޮޖެކްޓުތައް ހަވާލުކުރުމުގެ އަޑީގައި އޮތީ ސިޔާސީ ނުފޫޒު ކަމަށް ބުނެ ދެކެވޭ ވާހަކަތަކާ ގުޅިގެން އަދަދު އިން ކުރި ސުވާލުތަކަށް ޖަވާބު ދެއްވަމުންނެވެ. އޭނާ ވަނީ އެއްވެސް ޕްރޮޖެކްޓެއް ހޯދަން ސިޔާސީ ގޮތުން އެއްވެސް ނުފޫޒެއް ނުފޯރުވާ ކަމަށް ވިދާޅުވެފަ އެވެ.

"އަޅުގަނޑުމެންނަކީ މިހާތަނަށް ސަރުކާރަށް މަސައްކަތް ނިންމައިދޭ ފަރާތެއް. އިތުބާރު ސަރުކާރަށް އޮތް ބަޔެއް އަޅުގަނޑުމެންނަކީ. ދިވެހިރާއްޖޭގައި މިހާތަނަށް ފެށި އެއްވެސް ޕްރޮޖެކްޓެއް ނުނިންމާ ނެތް ބަޔެއްތާ އާރުސީސީއަކީ ރެކޯޑުގައި، އަވަހަށް ނިންމާ ބަޔެއް،" އޭނާ ވިދާޅުވި އެވެ.

މައުޟޫޢުތަށް