މުޒާހަރާ ކުރުމުން ދައުވާކުރުމަށްފަހު ސަރުކާރުން އދ. ގައި ބުނީ އެއްވެ އުޅުމުގެ މިނިވަންކަން އޮންނަން ޖެހޭނެ ކަމަށް
އަދަދު
14 ޖުލައި 2025 | ހޯމަ | 9:16
މިދިޔަ އޭޕްރީލް މަހު މާލޭގައި ޒުވާނުން ކުރި މުޒާހަރާތައް ލީޑުކުރި އަބްދުالله މަހުޒޫމް މާޖިދު އާއި އައިޝަތު ޝިމަންގެ މައްޗަށް ޖިނާއީ ދައުވާ ކުރުމަށްފަހު، އެއްވެ އުޅުމުގެ މިނިވަންކަން އޮންނަން ޖެހޭ ކަމަށް ބުނެ ސަރުކާރުން އދ. ގައި ވޯޓު ދީފި އެވެ.
އެއްވެ އުޅުމުގެ ފުރިހަމަ މިނިވަން ދޭންޖެހޭ ކަމަށް ބުނެ ސަރުކާރުން ވޯޓު ދިނީ ޖުލައި 9، ގައި ނިންމާލި އދ. ގެ އިންސާނީ ހައްގުތަކާއި ބެހޭ ކައުންސިލްގެ 59 ވަނަ އާންމު ބައްދަލުވުމުގައި ފާސް ކުރި ގަރާރަކަށެވެ.
މި ބައްދަލުވުމަށްފަހު ދިވެހި ހާރިޖިއްޔާއިން ޖުލައި 10، ގައި ނެރުނު ބަޔާނެއްގައި އެއްވެ އުޅުމުގެ މިނިވަންކަމާއި އެއްކޮޅަށް ރާއްޖެއިން ޖޮއިންޓް ސްޓޭޓްމަންޓެއް ދިން ކަމަށް ވަނީ ބުނެފަ އެވެ. މި ބައްދަލުވުމުގައި ފާސް ކުރި ގަރާރުތަކުގެ ތެރޭގައި އެއްވެ އުޅުމުގެ މިނިވަންކަމާއި ބެހޭ ގަރާރު ހިމެނެ އެވެ.