ފޭކު ޕްރިންސާ ގުޅޭ ގޮތުން ސުވާލުކުރަން އުޅުމުން އެހެން ކަމެއް އޮތް ކަމަށް ބުނެ މިނިސްޓަރު ހަލީލު މަޖިލީހަށް ވަޑައިނުގަތް
އަދަދު
14 ޖުލައި 2025 | ހޯމަ | 9:47
ސައުދީ އަރަބިއްޔާގެ އާންމު ރައްޔިތަކާ ބައްދަލު ކުރެއްވުމަށްފަހު، ރައީސް ބައްދަލުކުރެއްވީ ސައުދީ ޝާހީ އާއިލާގެ އަމީރަކާ ކަމަށް ރައީސް އޮފީހުން ބުނެފައިވާ މައްސަލާގައި ފޮރިން މިނިސްޓަރު ޑރ. އަބްދުالله ހަލީލުއާއި ސުވާލުކުރަން އޮތް ޖަލްސާއަށް ވަޑައިނުގަންނަވަން ވަޒީރު ނިންމަވައިފި އެވެ.
ގަލޮޅު ދެކުނު ދާއިރާގެ މެންބަރު މީކާއިލް ނަސީމް މަޖިލީހަށް ހުށަހެޅުއްވި މި ސުވާލު ތާވަލުކުރީ މިއަދުގެ ޖަލްސާ އަށެވެ.
ޖަލްސާ ފަށަމުން ރިޔާސަތުގައި އިންނެވި މަޖިލީހުގެ ނައިބު ރައީސް އަހުމަދު ނާޒިމް ވިދާޅުވީ ވަޒީރު ކޮންމެހެން ހާޒިރުވާން ޖެހޭ ރަސްމީ އެހެން މަސައްކަތެއް ކުރަން ޖެހޭ ވަގުތާއި މިއަދުގެ ޖަލްސާއަށް ހާޒިރުވާން ޖެހޭ ވަގުތާ ދިމާވާތީ، މަޖިލީހަށް ހާޒިރުވެވެން ނެތް ކަމަށް އަންގާފައިވާ ކަމަށެވެ.