ލ. ގަމުގައި މީހުން ދިރިއުޅޭ ގެއަކަށް ކަރަންޓު ނުގުޅައިދީ އަހަރެއްހާ ދުވަސް ހޭދަ ކުރުމަށްފަހު އެ ވާހަކަ މީޑިއާއަށް ތިލަވުމުން ޖެހިގެން އައި ދުވަހު އެ ގެއަށް ކަރަންޓު ގުޅައިދީފި އެވެ.

ލ. ގަން، މަތިމަރަދޫ، އަހުމަދު އާބާދަށް ކަރަންޓު ގުޅައިދޭން އެ ރަށު ފެނަކަ ބްރާންޗުގައި ގޯތީގެ ވެރި ފަރާތުން އެދުނީ ޖުލައި 10، 2024، ގަ އެވެ. އެ ގެއަށް ކަރަންޓު ނުގުޅައިދޭ ވާހަކަ ޖުލައި 6، މި ނޫހުގައި ޖެހުމުން ޖެހިގެން އައި ދުވަހު ކަރަންޓު ގުޅައިދިން ކަމަށް ގޭގެ ވެރިފަރާތުން މި ނޫހާ ވާހަކަ ދައްކަމުން ބުންޏެވެ.

"ނޫހުގަ ޖެހީމަ އެ މަސައްކަތް ކުރާނެ މީހުން ވެސް ވެއްޖެ، ސާމާނު ވެސް ހަމަވެއްޖެ. މިއޮތް ހުރިހާ ދުވަހު ބުނީ މިވެނި އެއްޗެއް ނެތޭ، މިވެނި ކަމެއް ކުރާނެ މީހަކު ނެތޭ،" އަހުމަދު އާބާދުގެ ވެރި ފަރާތް، އަހުމަދު ނަޒީރު ބުންޏެވެ.

މައުޟޫޢުތަށް