އަހަރެއް ނުވަނީސް ސިޔާމް އާއި ޒާރާގެ ކައިވެނި ރޫޅިއްޖެ
އަދަދު
15 ޖުލައި 2025 | އަންގާރަ | 7:19
ރާއްޖޭގެ މަޝްހޫރު ވިޔަފާރިވެރިޔާ އަދި މީދޫ ދާއިރާގެ މެންބަރު އަހުމަދު ސިޔާމް މުހައްމަދު އާއި ބ. ކަމަދޫގައި ބޭއްވި އީދު ކުޅިވަރުތަކުން މަޝްހޫރުވި އައިމިނަތު ޒާރާގެ ކައިވެނި އަހަރެއް ނުވަނީސް ރޫޅިއްޖެ އެވެ.
ސިޔާމްއާ ވަރަށް ގާތް ވެލިދޫ ދާއިރާގެ މެންބަރު މުހައްމަދު އައްބާސް ފޭސްބުކްގައި ކުރި ޕޯސްޓެއްގައި ވިދާޅުވީ ސިޔާމް އާއި ޒާރާގެ ކައިވެނި ރޫޅާލާފައި ވަނީ ދެ މީހުންގެ ދެމެދުގައި މަޝްވަރާ ކުރުމަށްފަހު ރިވެތި ގޮތުގައި ކަމަށެވެ.
"ހަމަ އެހެންމެ އޮންރަބަލް ސިޔާމް މުހައްމަދު އާއި ޒާރާ މެޑަމް ކައިވެނި ރޫޅާލާފައި ވަނީ ވެސް އެކަކު އަނެކަކު އަނެކުންގެ މެދުގައި ރިވެތި ގޮތުގައި މަޝްވަރާ ކުރުމަށްފަހު ސުލްހަވެރިކަމާއެކު ސުލްހަވެރި މާހައުލެއްގައި،" އޭނާ ވިދާޅުވި އެވެ.