ތިން މަސް ތެރޭގައި ދެވަނަ ފަހަރަށް ރައީސް މުއިއްޒުގެ ދަތުރެއް އިނގިރޭސިވިލާތަށް
އަދަދު
15 ޖުލައި 2025 | އަންގާރަ | 8:07
ތިން މަސް ތެރޭގައި އިނގިރޭސިވިލާތަށް ކުރައްވާ ދެވަނަ ދަތުރުގައި ރައީސް ޑރ. މުހައްމަދު މުއިއްޒު އެ ގައުމަށް މިއަދު ފުރާވަޑައިގެންފި އެވެ.
ރައީސް އޮފީހުން ބުނީ ރައީސް މުއިއްޒު އިނގިރޭސިވިލާތަށް ފުރާވަޑައިގެންނެވީ މަތީ ފަންތީގެ ބައްދަލުކުރެއްވުންތަކަކާއި ހަރަކާތްތަކެއްގައި ބައިވެރިވެވަޑައިގަތުމަށް ކަމަށެވެ. އެއީ ކިހާ މަތީ ފަންތީގެ ބައްދަލުވުންތަކެއް ކަމެއް ހާމައެއް ނުކުރެ އެވެ.
އިނގިރޭސިވިލާތަށް ރައީސް ކުރައްވާ ދަތުރުގައި ރާއްޖެ އާއި އިނގިރޭސިވިލާތާ ދެމެދު އޮންނަ ގުޅުން އިތުރަށް ހަރުދަނާކުރުމާ ގުޅޭ ބައްދަލުކުރެއްވުންތަކެއްގައި ބައިވެރިވެވަޑައިގަންނަވާނެ ކަމަށް ރައީސް އޮފީހުން ބުނެ އެވެ.