މައުލޫމާތު ނުދީ ތެޅުވުމަށް ފަހު، ރައީސް އޮފީހުން ބުނީ މިހާރު ތިބީ 922 ސިޔާސީން ކަމަށް
އަދަދު
16 ޖުލައި 2025 | ބުދަ | 2:00
ސިޔާސީ މުވައްޒަފުންގެ އަދަދު ހޯދަން ނޫސްތަކާއި އާންމުން ތަކުރާރުކޮށް އެދެމުން ދިޔައިރު، މައުލޫމާތު ހޯދައިލިބިދިނުމުގެ ހައްގުގެ ގާނޫނާ ހިލާފަށް އެ މައުލޫމާތު ނުދީ ހިފެހެއްޓުމަށް ފަހު، މި ސަރުކާރުގައި މި ވަގުތު ތިބީ ޖުމުލަ 922 ސިޔާސީ މުވައްޒަފުން ކަމަށް ރައީސް އޮފީހުން ބުނެފި އެވެ.
މިއީ ސަރުކާރުގެ އިންތިގާލީ މަރުހަލާގައި ކަނޑައެޅި ލަނޑުދަނޑިއަށް ވުރެ އިތުރު އަދަދެކެވެ.
އިންތިގާލީ މަރުހަލާގެ ތަރުޖަމާނު މުހައްމަދު ފިރުޒުލް އޭރު ވިދާޅުވެފައި އޮތީ ރައީސް ޑރ. މުހައްމަދު މުއިއްޒު އައްޔަން ކުރައްވާ ސިޔާސީ މުވައްޒަފުންގެ އަދަދު 700 އަށް ވުރެ ގިނަ ނުވާނެ ކަމަށެވެ.