އަސްކޮއި ކުންފުނިން މި ފަހަރު ވެސް މީހުން އުމްރާއަށް ނުގެންގޮސް ފިލައިފި
އަދަދު
17 ޖުލައި 2025 | ބުރާސްފަތި | 7:36
އަސްކޮއި ޓްރެވަލް ސާވިސް ޕްރައިވެޓް ލިމިޓެޑުން މި ފަހަރު ވެސް ގިނަ ބައެއްގެ އަތުން ފައިސާ ނެގުމަށް ފަހު އުމްރާގެ އަޅުކަމަށް ނުގެންދިޔަ މައްސަލައެއް މޯލްޑިވްސް ޕޮލިސް ސާވިސް އާއި އިސްލާމިކް މިނިސްޓްރީ އަށް ހުށަހަޅައިފި އެވެ.
މި މައްސަލައިގައި އަދަދު ނޫހާ ވާހަކަ ދެއްކި މީހުން ބުނީ އަސްކޮއި ކުންފުނީގެ ހަވާލުގައި އުމްރާގެ އަޅުކަމަށް ފުރަން ދީފައިވާ ތާރީހަކީ މި މަހުގެ 24 ވަނަ ދުވަހު ކަމަށެވެ. އުމްރާ އަށް ދާ މީހުންނަށް އެންމެ ފަހުގެ މައުލޫމާތު ސެޝަން މި މަހުގެ 22 ގައި އަހުމަދިއްޔާ ސްކޫލުގައި ބާއްވާނެކަން ވެސް އަންގާފައިވެ އެވެ.
އުމްރާއަށް ދާ އެންމެންގެ ޕާސްޕޯޓު ވެސް ވަނީ އެ ކުންފުނީގަ އެވެ. ދަތުރުގެ ހުރިހާ އިންތިޒާމުތަކެއް ހަމަޖެހިފައިވާ ކަމަށާއި އެއާޕޯޓަށް ފުރަންދާންޖެހޭ ގަޑިވެސް އަންގާފައިވާ ކަމަށް އަދަދު ނޫހަށް މައުލޫމާތު ދިން މީހުން ބުންޏެވެ.