މިދިޔަ ހުކުރު ދުވަހު މާލެއިން ގެއްލުނު ޔާމީން ހޯދަން ގިނަ އަދަދެއްގެ ސީސީޓީވީ ފުޓޭޖޫ ދިރާސާ ކުރަނީ
އަދަދު
18 ޖުލައި 2025 | ހުކުރު | 8:24
މިދިޔަ ހުކުރު ދުވަހުގެ ރޭ މާލެއިން ގެއްލިގެން ހޯދަމުންދާ ހަސަން ޔާމީން، 30، ގ. ގާނެޓް ހޯދުމަށް ގިނަ އަދަދެއްގެ ސީސީޓީވީ ފުޓޭޖު ދިރާސާ ކުރުމުގެ މަސައްކަތް ކުރަމުންދާ ކަމަށް ފުލުހުން ބުނެފި އެވެ.
ފުލުހުން މިރޭ ނެރުނު ނޫސްބަޔާނެއްގައި ބުނީ ޔާމީން ހޯދުމަށްޓަކައި އޭނާ ދިރިއުޅޭ އެޕާޓުމެންޓު ބަލައިފާސްކުރިއިރު، ތުހުމަތު ކުރެވޭ އެއްވެސް ކަމެއް ނުވަތަ ކުށުގެ އެއްވެސް އަމަލެއް އެތަނުގައި ހިނގާފައިވާކަމުގެ އެއްވެސް ނިޝާނެއް ނުފެނުނު ކަމަށެވެ. އަދި އެ އެޕާޓުމެންޓަށް އެއްވެސް ބަދަލެއް އައިސްފައިވާކަން ވެސް ފާހަގަވެފައި ނުވާ ކަމަށް ފުލުހުންގެ ބަޔާނުގައި ބުންޏެވެ.
"މައްސަލައާ ގުޅިގެން ގިނަ އަދަދެއްގެ ސީސީޓީވީ ފުޓޭޖު ދިރާސާ ކުރުމުގެ މަސައްކަތް ފުލުހުން ދަނީ ކުރަމުންނެވެ." ފުލުހުންގެ ބަޔާނުގައި ބުނެފައިވެ އެވެ.