ޑޮލަރު ސަޕޯޓު 40 ޕަސެންޓަށް ބޮޑުކުރަން، އެމްއެމްއޭއިން ބޭންކުތަކަށް ދޫކުރާ ޑޮލަރު އިތުރުކޮށްފި
އަދަދު
22 ޖުލައި 2025 | އަންގާރަ | 11:35
ޑޮލަރު މާރުކުރުމުގެ ސިޔާސަތުތަކާއި ޓޫރިޒަމްގެ އޮފް ސީޒަނަށް ވުމުން ޑޮލަރު ސަޕްލައި ދަށް މައްސަލައިގައި ވިޔަފާރިތަކަށް ކުރިމަތިވެފައިވާ އުނދަގޫތަކަށް ހައްލެއް ހޯދައި ދިނުމުގެ ބޭނުމުގައި އިމްޕޯޓުގެ ބޭނުންތަކަށް އެމްއެމްއޭއިން ބޭންކުތަކަށް ދޫކުރާ ޑޮލަރު އިތުރުކުރަން މިއަދު ނިންމައިފި އެވެ.
އެމްއެމްއޭއިން ނެރުނު ބަޔާނެއްގައި ބުނީ އިމްޕޯޓަށް ބޭނުންވާ ޓީޓީތަކާއި އެލްސީ ޕޭމަންޓުތަކަށް ޑޮލަރު ސަޕޯޓު ދޭން ބޭންކުތަކަށް ދޫކުރާ ޑޮލަރު 10 ޕަސެންޓު ބޮޑުކުރަން ނިންމާފައިވާ ކަމަށެވެ.
މި ހަފުތާއިން ފެށިގެން މި ބަދަލު ގެނައުމާއެކީ، ބޭންކުތަކުން ކުދި އަދި މެދު ފަންތީގެ ވިޔަފާރިތަކަށް މިހާރު ވިއްކާ އަދަދު 40 ޕަސެންޓަށް އިތުރު ކުރުމަށް މަގުފަހިވެގެން ދާނެ ކަމަށް ވެސް އެމްއެމްއޭއިން ބުންޏެވެ. މިހާރު ބޭންކުތަކުން ޑޮލަރު ސަޕޯޓުގެ ގޮތުގައި ލިބެނީ 30 ޕަސެންޓެވެ.