ޓީއެމްއޭގެ ނިންމުން ބަދަލު ކުރުމުން، ޑޮލަރު މާރުކުރާ ގާނޫނު ތަންފީޒު ކުރާ ގޮތާމެދު ސުވާލު އުފެދޭ: މަންތާ
އަދަދު
22 ޖުލައި 2025 | އަންގާރަ | 5:22
ޓްރާންސް މޯލްޑިވިއަން އެއާވޭސް (ޓީއެމްއޭ) ގެ މުވައްޒަފުންނަށް މުސާރައިގެ ބައެއް ރުފިޔާއިން ދޭން ނިންމި ނިންމުން ކުއްލިއަކަށް ބަދަލު ކުރުމުން ޑޮލަރު މާރުކުރުމުގެ ސިޔާސަތު އެމްއެމްއޭއިން ހަމަހަމަކަމާއެކު ތަންފީޒު ކުރަމުންދާކަމާމެދު ސުވާލު އުފެދޭ ކަމަށް މަންތާ އެއާއިން ބުނެފި އެވެ.
އެ އެއާލައިނުން މިއަދު ނެރުނު ނޫސްބަޔާނެއްގައި ބުނީ މަންތާގެ މުވައްޒަފުންނަށް މުސާރައިގެ ދެބައިކުޅައެއްބައި ރުފިޔާއިން ދޭން މަޖުބޫރުވީ އެމްއެމްއޭއިން ތަންފީޒު ކުރަން ފެށި ޑޮލަރު މާރުކުރުމުގެ ސިޔާސަތާ ގުޅިގެން ކަމަށެވެ.
ހަމަ އެގޮތަށް، މަންތާގެ ވާދަވެރި ކުންފުނި، ޓީއެމްއޭއިން ވެސް އެ ކުންފުނީގެ މުވައްޒަފުންނަށް މުސާރައިގެ ދެބައިކުޅަ އެއްބައި ރުފިޔާއިން ދޭން ނިންމުމަށްފަހު، އެ ނިންމުން ކުއްލިއަކަށް ބަދަލު ކުރުމުން ޑޮލަރު މާރު ކުރުމުގެ ސިޔާސަތު އެމްއެމްއޭއިން ތަންފީޒު ކުރަނީ ހަމަހަމަކަމާއެކުގައި ކަމާމެދު ސުވާލު އުފެދޭ ކަމަށް މަންތާގެ ބަޔާނުގައި ބުންޏެވެ.