ދިވެހިރާއްޖޭގެ މިނިވަން ކަމަށް 60 އަހަރު ފުރުމުގެ މުނާސަބަތާ ގުޅުވައިގެން، ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލް ހުޅުވަން ރޭ ބޭއްވި ރަސްމިއްޔާތުގައި ކުރިއަށް ގެންދިޔަ ޑްރޯން ޝޯގައި "މިނިވަން 60"ގެ ލޯގޯ ނުދެއްކުނެވެ.

މީގެ ނުވަ އަހަރު ކުރިން 2016 ގައި ބިންގާ އެޅި އާ ޓާމިނަލް ހުޅުވަން ބޭއްވި ކުލަގަދަ ރަސްމިއްޔާތުގައި ކުރިއަށް ގެންދިޔަ ޑްރޯން ޝޯގައި ޖުމުލަ 10 މަންޒަރެއް ދެއްކި އެވެ. އެއަށް ފަހު ހަ މިނެޓު ވަންދެން ހަވާ އެރުވި އެވެ.

މައުލޫމާތު ލިބިފައިވާ ގޮތުގައި ޑްރޯން ޝޯގައި 1200 ޑްރޯން ބޭނުން ކުރި އެވެ. މި ޑްރޯން ޝޯ ޓެސްޓުކުރީ ޖުލައި 25 ވަނަ ދުވަހުގެ ރޭ މެންދަމު އެވެ. އެ ޓެސްޓު ޝޯގައި މިނިވަން 60 ގެ ލޯގޯ ދައްކަ އެވެ. އެ މަންޒަރު ފެންނަ ބައެއް ވީޑިއޯތައް ސޯޝަލް މީޑިއާގައި ދައުރުކޮށްފައިވެ އެވެ.

މައުޟޫޢުތަށް