ނ. ވެލިދޫ އިންޑަސްޓްރިއަލް ޒޯނުގެ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއުގެ އަމަލީ މަސައްކަތް އެމްޓީސީސީން ފެށީ އާންމު އުސޫލުގެ ތެރެއިން ތިމާވެށްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު (އީއައިއޭ) އީޕީއޭއިން ފާސް ނުކުރަނީސްކަން އެނގިއްޖެ އެވެ.

ގާނޫނާއި ގަވާއިދުތައް ބުނާގޮތުން ކޮންމެ މަޝްރޫއުއެއް ފެށުމުގެ ކުރިން ވެސް އެ މަޝްރޫއުއަކުން އީއައިއޭ ރިޕޯޓެއް ތައްޔާރު ކުރަންޖެހެ އެވެ. އާންމު އުސޫލުގެ ދަށުން އެ ރިޕޯޓު ފާސްކުރުމުގެ ޒިންމާ މަތިކޮށްފައި އޮންނަނީ އެންވަރަމެންޓް ޕްރޮޓެކްޝަން އެޖެންސީ (އީޕީއޭ) އާ އެވެ.

ނަމަވެސް އެނގިފައި ވާގޮތުގައި ވެލިދޫ ބިން ހިއްކުމުގެ މަޝްރޫއުގެ އީއައިއޭ ރިޕޯޓު ހަދައި އީޕީއޭއަށް ހުށަހެޅުމުން ކަންބޮޑުވާ ކަންތައްތަކެއް ހުރުމުން އެ ރިޕޯޓު އީޕީއޭއިން ފާހެއް ނުކުރެ އެވެ.

މައުޟޫޢުތަށް