އިންޑިއާ އައުޓް ކެމްޕެއިނާއެކު ވެސް ދެ ގައުމުގެ ގުޅުން ވީ ވަރުގަދަ: އިންޑިއާ
އަދަދު
25 ޖުލައި 2025 | ހުކުރު | 7:24
ރައީސުލްޖުމްހޫރިއްޔާ މުހައްމަދު މުއިއްޒު އިސްވެ ހުންނަވާ ހިންގެވި، އިންޑިއާ އައުޓް ކެމްޕެއިންއާއެކު ވެސް ދެ ގައުމުގެ ގުޅުން ވީ ވަރުގަދަ ކަމަށް އިންޑިއާގެ ފޮރިން ސެކެޓްރީ ވިކްރަމް އިސްރީ މިއަދު ވިދާޅުވެއްޖެ އެވެ.
މިދިޔަ އެމްޑީޕީ ސަރުކާރުގައި އޭރު އިދިކޮޅުގައި ހަރަކާތްތެރިވަމުން މުއިއްޒު ވަނީ ވަރަށް ބޮޑަށް އިންޑިއާ އަށް ފާޑުވިދާޅުުވެ، ވާހަކަފުޅު ދައްކަވައިފަ އެވެ. އަދި މި ސަރުކާރު ވެރިކަމަށް އައި ފަހުން ވެސް މުއިއްޒު ވަނީ ނުސީދާ ގޮތެއްގައި އިންޑިއާ އަށް ބަހުގެ ހަމަލާތަކެއް ދީފަ އެވެ.
އެކަމަކު، މިއަދު އިންޑިއާގެ ފޮރިން ސެކެޓްރީ ވިކްރަމް ބޭއްވެވި، ނޫސްވެރިންގެ ބައްދަލުވުމުގައި ވާހަކަ ދައްކަވަމުން ވިދާޅުވީ، "އިންޑިއާ އައުޓް" ކެމްޕެއިނާއެކު ވެސް ދެ ގައުމުގެ ގުޅުން ވީ ވަރުގަދަ ކަމަށް ވިދާޅުވެފަ އެވެ.