ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ އައު ޓާމިނަލްގެ މަސައްކަތް ފުރިހަމަ ކުރުމަށް އެހީތެރިވެދިން ކުރީގެ ރައީސް އިބްރާހިމް މުހައްމަދު ސޯލިހަށާއި ކުރީގެ ރައީސް އަބްދުﷲ ޔާމީނަށް ރައީސް ޑރ. މުހައްމަދު މުއިއްޒު މިރޭ ޝުކުރު އަދާކުރައްވައިފި އެވެ.

ވީއައިއޭ ހުޅުވުމުގެ ރަސްމިއްޔާތުގައި މުއިއްޒު ވިދާޅުވީ ވީއައިއޭގެ އައު ޓާމިނަލްގެ މަސައްކަތް ފެށިގެން އައީ ޔާމީނުގެ ދައުރުގައި ކަމަށްވާތީ އެމަނިކުފާނަށް އަދި ސޯލިހުގެ ދައުރުގައި ވެސް މަސައްކަތްތައް ކުރިއަށް ގޮސްފައިވާތީ އެމަނިކުފާނަށް ވެސް ޝުކުރު އަދާކުރައްވާ ކަމަށެވެ.

"ހާއްސަކޮށް މި މަސައްކަތް ފެށިގެން އައީ ރައީސް ޔާމީނުގެ ވެރިކަމުގައި ކަމަށްވާތީ އެމަނިކުފާނަށާއި ދެން އެއަށްފަހު ރައީސް އިބްރާހިމް މުހައްމަދު ސޯލިހުގެ ވެރިކަމުގައިވާތީ މި ދެ ރައީސުންނަށް އަޅުގަނޑު ވަރަށް ބޮޑަށް ޝުކުރު ދަންނަވަން،" މުއިއްޒު ވިދާޅުވި އެވެ.

މައުޟޫޢުތަށް