ކާބޯތަކެތި އިމްޕޯޓް ކުރަން އިންޑިއާއަށް ބަރޯސާވެފައި އޮތް އޮތުމަށް ފާޑުވިދާޅުވި ރައީސްއަށް މިހާރު އެކަން މައްސަލައަކަށް ނުވި
އަދަދު
28 ޖުލައި 2025 | ހޯމަ | 9:47
ދިވެހިރާއްޖެއަށް އެތެރެ ކުރާ ޒަރޫރީ ކާބޯތަކެތި އިންޑިއާއިން ގެންނާތީ އެކަމަށް ކުރިން ފާޑުވިދާޅުވުމަށްފަހު އެއީ މައްސަލައެއް ނޫން ކަމަށް ދޭހަވާ މޭރުމަކުން ރައީސް މުހައްމަދު މުއިއްޒު ވާހަކަ ދައްކަވައިފި އެވެ.
އިންޑިއާގެ ބޮޑުވަޒީރު ނަރެންދުރަ މޯދީއާއެކު ހުކުރު ދުވަހު ދެއްވި ސްޓޭޓްމަންޓުގައި، އިންޑިއާއިން ކާބޯތަކެތި އިމްޕޯޓް ކުރުން މުއިއްޒު ސިފަ ކުރެއްވީ އެހީއެއްގެ ގޮތުގަ އެވެ.
"ޓްރޭޑް އެގްރިމެންޓުގެ ދަށުން ޒަރޫރީ ކާބޯތަކެތި [ކޮމޯޑިޓީސް] އެކްސްޕޯޓްކޮށްދީ، އިންޑިއާއިން މެދުނުކެނޑި ދިވެހިރާއްޖެއަށް ވެދޭ އެހީތެރިކަމަކީ ދެ ގައުމުގެ ދޭތެރޭގައި އޮންނަ ގުޅުމުގެ މުހިންމު ބައެއް،" މުއިއްޒު ވިދާޅުވި އެވެ.