ހުލާސާކޮށް އިއްޔެ: ކާޑު އެތެރެ ކުރަން އިންޑިއާއަށް ބަރޯސާވެފައި އޮތުން މުއިއްޒަށް މިހާރު ފަހުރަކަށް ވެއްޖެ
އަދަދު
29 ޖުލައި 2025 | އަންގާރަ | 6:48
ދިވެހިރާއްޖެއަށް އެތެރެ ކުރާ ޒަރޫރީ ކާބޯތަކެތި އިންޑިއާއިން ގެންނާތީ އެކަމަށް ކުރިން ފާޑުވިދާޅުވުމަށް ފަހު އެއީ މައްސަލައެއް ނޫން ކަމަށް ދޭހަވާ މޭރުމަކުން ރައީސް މުހައްމަދު މުއިއްޒު ވާހަކަ ދައްކަވައިފި ކަމަށް އިއްޔެ ރިޕޯޓުކުރި އެވެ.
އިންޑިއާގެ ބޮޑުވަޒީރު ނަރެންދުރަ މޯދީއާއެކު ހުކުރު ދުވަހު ދެއްވި ސްޓޭޓްމަންޓުގައި، އިންޑިއާއިން ކާބޯތަކެތި އިމްޕޯޓް ކުރުން މުއިއްޒު ސިފަ ކުރެއްވީ އެހީއެއްގެ ގޮތުގަ އެވެ.
"ޓްރޭޑް އެގްރިމެންޓުގެ ދަށުން ޒަރޫރީ ކާބޯތަކެތި [ކޮމޯޑިޓީސް] އެކްސްޕޯޓްކޮށްދީ، އިންޑިއާއިން މެދުނުކެނޑި ދިވެހިރާއްޖެއަށް ވެދޭ އެހީތެރިކަމަކީ ދެ ގައުމުގެ ދޭތެރޭގައި އޮންނަ ގުޅުމުގެ މުހިންމު ބައެއް،" މުއިއްޒު ވިދާޅުވި އެވެ.