އެޗްޑީސީގެ ޑީއެމްޑީ ފަޔާޒް މަންސޫރު ވެސް އިސްތިއުފާ ދެއްވައިފި
އަދަދު
31 ޖުލައި 2025 | ބުރާސްފަތި | 9:07
ސަރުކާރުން މަޖުބޫރު ކުރުމުން ހައުސިން ޑިވެލޮޕްމަންޓް ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރު މައުރޫފް ޖަމީލް އިސްތިއުފާ ދެއްވުމާއެކު އެ ކުންފުނީގެ ޑެޕިއުޓީ މެނޭޖިން ޑިރެކްޓަރު ފަޔާޒް މަންސޫރު ވެސް އިސްތިއުފާ ދީފި އެވެ.
އަދަދު އަށް އެނގިފައިވާ ގޮތުގައި ފަޔާޒް ވެސް އިސްތިއުފާ ދެއްވީ މިއަދެވެ. އެޗްޑީސީގެ ޑީއެމްޑީގެ މަގާމަށް ފަޔާޒް އައްޔަން ކުރީ ޖެނުއަރީ، 2025، ގަ އެވެ. އޭނާ މަގާމަށް އައްޔަން ކުރީ މައުރޫފް ބޭނުންވެވަޑައިގެން ކަން އެނގިފައިވެ އެވެ.
މަގާމުން އިސްތިއުފާ ދޭން މައުރޫފަށް މަޖުބޫރު ކުރީ އޭނާ ރިޓަޔާވާން ހުށަހަޅުއްވާފައި އޮއްވަ އެވެ. އެކަމަކު އޭނާގެ ރިޓަޔާމަންޓާ މެދު އޮތީ ރަސްމީކޮށް ގޮތެއް ނުނިންމަ އެވެ. މަގާމުން އިސްތިއުފާން ދޭން މައުރޫފަށް އެންގީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) ގެ ބޯޑުންނެވެ.