މާވަށުގައި މަރާލި މޫސަގެ ހަށިގަނޑު ވަޅުލަން ހަވާލުނުކުރާތީ އާއިލާއިން ބޮޑު ހިތާމައެއްގައި
އަދަދު
3 އޯގަސްޓު 2025 | އާދިއްތަ | 7:54
ލ. މާވަށުގައި ޖުލައި 28، ގައި ހިންގި މާރާމާރީގައި ވަޅިން ހަމަލާދީ މަރާލި މޫސާ އިބްރާހިމް، 29، ގެ ހަށިގަނޑު ހަވާލުނުކޮށް ދިގުލައިގެންދާތީ އޭނާގެ އާއިލާއިން ކަންބޮޑުވުން ފާޅުކޮށްފި އެވެ.
މޫސަގެ އާއިލާއިން އަދަދު އާ ވާހަކަދައްކަމުން ބުނީ އޭނާ މަރުވިތާ ހަ ދުވަސް ވެފައިވާއިރު އާއިލާއާ ހަށިގަނޑު ހަވާލުކޮށްފައިނުވާތީ ހިތާމަ ކުރާ ކަމަށެވެ.
"މިހާތަނަށް ޕޯސްޓްމޯޓަމް ހަދަން ހަށިގަނޑު ބޭރަކަށް ނުފޮނުވާ. މިއީ ވަރަށް ހިތާމަހުރި ކަމެއް. މި މީހުން މިހާ މަޖުބޫރުކޮށް އާއިލާއާ ދެކޮޅަށް މަޖުބޫރުކޮށް ގެނެސްފައި ކީއްވެގެން ހެއްޔޭ ޕޯސްޓްމޯޓަމް ހަދަން ނުފޮނުވާ މިހާ ދުވަސް މިތާ މި ބާއްވަނީ،" އޭނާ ބުންޏެވެ.