މިދިޔަ އަހަރުން ފެށިގެން ޝުޖާއުގެ މައްސަލަ ބަލަމުންދާ ކަމަށް އޭސީސީން ބުނެފި
އަދަދު
4 އޯގަސްޓު 2025 | ހޯމަ | 12:00
ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު މަނީ ލޯންޑާކޮށް ކޮރަޕްޝަންގެ އަމަލުތަކެއް ހިންގި ކަމަށް ތުހުމަތު ކުރެވޭ މައްސަލަ މިދިޔަ އަހަރުން ފެށިގެން ތަހުގީގު ކުރަމުންދާ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން މިއަދު ބުނެފި އެވެ.
ޝުޖާއުގެ މައްސަލަ އޭސީސީ އިން ބަލަމުންދާތޯ އަދަދު އިން ސުވާލުކުރުމުން އެ ކޮމިޝަނުގެ މީޑިއާ އޮފިޝަލް އައިޝަތު ސަމާ އަދަދު އަށް ވިދާޅުވީ ކޮމިޝަނުން އަމިއްލައަށް އިސް ނަގައިގެން މިދިޔަ އަހަރުން ފެށިގެން އެ މައްސަލަ ބަލަމުންދާ ކަމަށެވެ.
"އެ މައްސަލަ މިދިޔަ އަހަރު (2024) ގެ ފަހުކޮޅުން ފެށިގެން ކޮމިޝަނުން އިސްނަގައިގެން އަންނަނީ ތަހުގީގުކުރަމުން،" އޭނާ ވިދާޅުވި އެވެ.